天晴 / 33度 / 濕度69-94%
交通：西貢碼頭 (近通記酒家旁) 搭街渡來回
感想：潮退時可以經沙堤通往橋頭，有山有海有燈塔，景靚、短途且非常易走。沙堤左方近岸有大量珊瑚和魚，浮潛一流。
需時：少於一小時
我一向不太喜歡去海灘游水，揀去橋咀洲全因為可以行山又可以浮潛，交通方便、短途又適合家人而已。
係西貢碼頭搭街渡，約十數分鐘便到橋咀洲。假日班次好密，我地當日搭藍旗，來回每人30元，算合理。去和返都唔駛點等船。
一落船已覺風景好靚。我當然係做了功課，查了潮汐預報，知道當日退潮，可以行過連島沙洲去橋頭。當日天氣真係好好，太陽雖猛，但係樹蔭下走卻相當涼快。我地先行過沙堤去橋咀郊野公園。
這條行山徑全有樹蔭，只係緩緩上落，被我喻為溫柔的山。由碼頭行去穚頭行一轉再返回碼頭，少於一小時，超輕鬆。
到路徑的末端可以行出燈塔。我相信從這裏是可以綑邊回碼頭，但當日家中有大有小，我不敢搏呢。
當日大退潮，沙堤好闊，真心正。知道橋咀浮潛靚，但地點不詳。留意上圖，後才發現在沙堤起首的左方，近白色船位置有大量珊瑚和魚。水及家人腰部已看到珊瑚和魚。可惜當我換掉泳衣才發現，幸好家人看到呢。橋咀當中的兩個沙灘都係石灘，水不清。還是浮潛那邊水清又多珊瑚和魚。
橋咀確實是交通方便、安全和容易浮潛的地方。下次不去泳灘，直接去浮潛，然後由橋咀行山去廈門灣(半月灣)。
以下是今天的上下坡幅度與路線資料。（TrailWatch App)
