天晴 / 19度 / 濕度73-83%
交通：西貢碼頭(近通記酒家旁) 搭鹽田梓街渡
感想：短途，輕鬆易走，指示清晰。
需時：約兩小時
這幾個月，因為每星期也去行山，因而看到香港的另一面和感受到香港的另一種生活。
係西貢碼頭 (近通記酒家旁) 有鹽田梓街渡，街渡每次可載40人，有救生衣，安排和服務也十分好，來回45元。搭指定的鹽田梓街渡可以參觀小教堂和鹽田，街渡龜速航行都只係十幾分鐘便到。
鹽田梓其實不大，不足兩小時已可走一圈，島上有小教堂、已重修的鹽田(有導賞服務)、神父故居和紅樹林。
這條經過三代人鋪出來的玉帶橋，是以前往來鹽田梓和滘西洲的通道，但現在滘西洲變成有錢人的高爾夫球場，行到尾，有禁止進入滘西洲的指示牌。
玉帶橋兩旁水清見底
茶座在碼頭旁，一間賣茶棵(茶棵一般) 和公仔麵，另一間望著鹽田有土窯雞食的。記緊一到就預訂食物，一來食材份量沒有預太多，二來製作需時，無得即叫即煮。
等我講下有乜食先: 土窯雞、柴火燒豬頸肉、腐乳魚肉焗豆卜、時令有機菜、上湯浸時菜、雞蓉粟米魚肚羮、豬頸肉/煙鴨胸糙米飯、墨西哥醃椒焗靖魚、菜脯煎蛋、蝦仔煎蛋。有好多我都想食，不過得兩個人，只叫了有機沙律菜和土窯雞。
頗喜歡鹽田梓，清幽寧靜，交通亦方便，但對行山來講，則不夠運動量。